Sun Mhara Manva Sanchi Kadiyan

सुण म्हारा मनवा सांची कड़ियां, गुरु ज्ञान कई गेले पड़ियां ॥ टेक ॥ गुरु ज्ञान की संकरी सेरियां, वों सेरियां में कोईक बढ़ियां, गुरु ज्ञान कई गेले पड़ियां ॥1॥ हजारा में हरो मती भाई, लाख में कहीं दौड़ चढ़ियां, गुरु ज्ञान कई गेले पड़ियां ॥2॥ खाबो छावे लड्डू और पेड़ा, रद के आड़ा ताला जुड़ियां, गुरु ज्ञान कई गेले पड़ियां ॥3॥ पच पच मरिया मनक मोकला, धरती पे कई जनम धरियां, गुरु ज्ञान कई गेले पड़ियां ॥4॥ आठ फेर समदा रेवे, प्यासा कई मगरमच्छ पड़ियां, गुरु ज्ञान कई गेले पड़ियां ॥5॥ नहीं तोप तलवारा बाजी, आणी धार कोई सुरा लड़ियां, गुरु ज्ञान कई गेले पड़ियां ॥6॥ फेरिया तू तो निर्भय साधु, खर धर खैरा खम्म खड़ियां, गुरु ज्ञान कई गेले पड़ियां ॥7॥