O Santon Swarga Su Aayo Re Sandesh

यो मेळो संसार को, अठे आवण जावण री रीत। ऐसी करणी कर चलो, थारा दुनियां गावै गीत।। दोहा ओ सन्तों स्वर्गा सूं आयो रे सन्देश, बुलावो आयो राम रो।। टेक ॥ एक मिनट प्रभु म्हाने दयो, करां बेटा से बात। डिबले माँहि गहेणा राखां, आपस में लेवो जी थे बाँट, बुलावो आयो राम रो। ॥1॥ एक मिनट प्रभु म्हाने दयो, करां बहुआं से बात। म्हें तो घर ने बांध के राख्यौं, थे अब संभाळो परिवार, बुलावो आयो राम रो। ॥2॥ एक मिनट प्रभु म्हाने दयो, करां बेटी से बात। मायरे की मन में रखगी, बीरा भेरगा थारा भात, बुलावो आयो राम रो। ॥3॥ एक मिनट प्रभु म्हाने दयो, करां पोता से बात। दादीजी तो सुरगां चाली, कुण करेगा थारे लाड़, बुलावो आयो राम रो। ॥4॥ एक मिनट प्रभु म्हाने दयो, करां पति से बात। रोटी मोटी चावल लेकर, मोत्यां से भर दयो मांग, बुलावो आयो राम रो। ॥5॥