Le Le Sua Hari Naam

अजगर करे ना चाकरी, पंछी करे ना काम। दास मलूका कह गए, सबके दाता राम ॥ दोहा ले ले सुआ हरी नाम, नाम लियां तिर जासी। भज पंछी भगवान, वासना रह जासी। सगो नहीं संसार, काया थारी है काची। ले ले सुआ हरी नाम, नाम लियां तिर जासी ॥ टेक ॥ सिंवरूं शारदा मात, शारदा तू साँची। लागूं गुरुजी रे पाँव, गुरु पोथी बांची ॥1॥ कुण थारा माँय बाप, कुण थारो सगो साथी। कुण देला आदर भाव, कुण आगो लेसी ॥2॥ सत म्हारो माँय बाप, धरम म्हारो संग साथी। गुरु देला आदर भाव, अलख आगो लेसी ॥3॥ सौ मण उळझ्यो सूत, सूत कुण सुळझासी। गुरु म्हारा चतुर सुजाण, जुगत कर सुळझासी ॥4॥ माटी री गणगौर, गागरो घमकासी। ओढण दिखणी रो चीर, शहर में रम जासी ॥5॥ बोल्या पूरणदास, गुरु मिल्या रविदास जी। बैठा है आसन ढाल, भजन में लिव लागी ॥6॥