Le Le Lavo Mankho

राम नाम भजियो नहीं, कियो न हरि से हेत। वो नर ऐसे जाएगा, ज्यूं मूळी का खेत॥ दोहा ले ले लावो मानखो, फेर ना मिळे रे। फेर ना मिळे रे अवसर जोयो ना मिळे रे॥ टेक ॥ आम ने तो छोड़ नुगरो बावळियां चढ़े रे। झाड़ो नी जोणे बिच्छू रो, सांप से लड़े रे॥1॥ केसर ने कस्तूरी नुगरो तेल में तळे रे। मूरख ने भाई माळा दीनी जोवतो फिरे रे॥2॥ मोतियां रा आखा नुगरो घटी में दळे रे। भजनां री वेल्यां न जावे, भूतां से लड़े रे॥3॥ सोनो कहिजे सोळमो, पीतळ भेख करे रे। बाबो डूंगरपुरी बोलिया, भजनां सूं तिरे रे॥4॥