Ho Gayo Modo Re

मन तू मेरी मान ले, बार-बार कहूँ तोय। राम नाम सुमिरण बिना, निस्तारो नहीं होय।। दोहा मन लोभी जिवड़ा, हो गयो मोड़ो रे, दिन रयो थोड़ो रे।। टेक ॥ स्वारथ काज बंधु बिलमावे, जिण से नाता तोड़ो रे। रात अंधारी अळगो जाणो, पड़ जाई फोड़ो रे, दिन रयो थोड़ो रे।।1॥ मोह माया से मुड़ो दिवाना, प्रीत प्रभु से जोड़ो रे। बैरी भंवरो क्यूं भटके रे, झूठो संगड़ो रे, दिन रयो थोड़ो रे।।2॥ सत रो मारग सुख रो पेंडो, साथ सवायो जोड़ो रे। चेतन होय इण रस्ते चलणो, खड़ लीजो भोड़ो रे, दिन रयो थोड़ो रे।।3॥ निर्भय होकर हरि ने भज लो, कदे नी आवे थोड़ो रे। राजा मानसिंह सतगुरु शरणे, जल्दी दौड़ो रे, दिन रयो थोड़ो रे।।4॥