Chet Chalo Mera Bhai

चेत चलोला पार लगोला, भव सागर रे माही। हंसला चेत चलो मेरा भाई ॥ टेक ॥ काया नगर रा केवड़ा, झुक झुक झोला खाई। एक दिन ऐसो आवसी, थने बाह पकड़ ले जाई। हंसला चेत चलो मेरा भाई ॥1॥ बाड़ी थारी खूब बणी है, राम सीमर मेरा भाई। एक दिन बाड़ी थारी लूटसी, पाव पलक रे माही। हंसला चेत चलो मेरा भाई ॥2॥ उमर तो थारी ओछी लायो, कूड़ मत बोल मेरा भाई। एक दिन जमड़ा आवसी, थने मार गुज़र ले जाई। हंसला चेत चलो मेरा भाई ॥3॥ ओ सांसो सबके व्यापे, सतगुरु मिलिया जाहि। गुरु शरण माली लिखमो बोले, चौरासी टल जाई। हंसला चेत चलो मेरा भाई ॥4॥