Sanwara Ek Din To Aajyo Mhare Pavna

सांवरा एक दिन तो आज्यो, म्हारै पावणा। पावणा पावणा, थारी मुंगी रे करां मनुवार सांवरा, एक दिन तो आज्यो म्हारै पावणा ॥ टेक ॥ सांवरा म्हारै सहारों थारे नाम रो, नाम रो नाम रो, मासू कांई रे होयो थें नाराज सांवरा, एक दिन तो आज्यो म्हारै पावणा ॥1॥ सांवरा बेल जुताया थारे नाम रा, मैं रे म्हारी गाडुली में होयो रे सवार सांवरा, एक दिन तो आज्यो म्हारै पावणा ॥2॥ सांवरा सुणता होवें रे म्हारी बात ने, बात ने बात ने, थाने केऊं म्हारा मनड़ा री बात सांवरा, एक दिन तो आज्यो म्हारै पावणा ॥3॥ सांवरा मैं तो उबो रे म्हारै बारणे, बारणे बारणे, थाके फूलां वाली सेज बिछाय सांवरा, एक दिन तो आज्यो म्हारै पावणा ॥4॥ सांवरा क्यूं नी आवो रे म्हारै आंगणे, आंगणे आंगणे, मासू कांई रे होगी जी ऐसी भूल सांवरा, एक दिन तो आज्यो म्हारै पावणा ॥5॥ सांवरा हुंडी स्वीकारो थारे दास री, दास री दास री, कोई केवे मुकेश सांवरा, एक दिन तो आज्यो म्हारै पावणा ॥6॥