Patthar Tirga Pani Mein

पत्थर तिरगा पाणी म बालो लिख्यो राम को नाम, लिख्यो राम को नाम, राम सूं बड़ो राम को नाम ॥ टेक ॥ वानर सेना बणा रामजी लंका करी चढ़ाई, कइयां समंदर पार करां अब सोच रया रघुराई, समंदर तीरा बिगड़्यो छ सारो बण्यो बनायो काम, पत्थर तिरगा पाणी म बालो लिख्यो राम को नाम ॥1॥ ध्यान मगन बैठ्या रघुराई सूझे नही उपाई, जा सागर से करी प्रार्थना रस्तो दे दे भाई, सागर करड़ो करड़ो रे होगो आज विधाता ताण ॥2॥ हनुमान से रयो न जावे पत्थर लिया उठाई, राम नाम लिख पाणी माही बालो दियो गिराई, पत्थर तिरगा पाणी म कइयां सोच रया भगवान, पत्थर तिरगा पाणी म बालो लिख्यो राम को नाम ॥3॥ राम नाम म शक्ति भारी हनुमान दीखलायो, राम लखन संग वानर सेना लंका म पहुंचायो, चरणा गावे मालुणी करतो बार बार प्रणाम ॥4॥