Dwarikapuri Su Babo Aaya To Khari

रामा कहूं के रामदेव, हीरा कहूं के लाल। ज्यांने मिळिया रामदेव, पल में कीना निहाल॥ दोहा द्वारिकापुरी सूं बाबो आया तो खरी ओ बापजी, आया तो खरी। दुर्बलियो देखे ने दर्शन देवजो हरी, ओ जी ॥ टेक ॥ धोळा धोळा नेजा धणी रे चाढूं तो खरी ओ बापजी, चाढूं तो खरी। दुर्बलियो देखे ने दर्शन देवजो हरी, ओ जी ॥1॥ प्रहलादे री बेल सांवरो आया तो खरी ओ बापजी, आया तो खरी। तपियोडा थम्बा सूं बाथों वे तो रे भरी, ओ जी ॥2॥ सिरिया दे री बेल सांवरो आया तो खरी ओ बापजी, आया तो खरी। बळतोडे नीवां में बचिया तारिया हरी, ओ जी ॥3॥ मीरां रे मेड़तणी रे बेल आया तो खरी ओ बापजी, आया तो खरी। विष रा प्याला इमरत कीना रे हरी, ओ जी ॥4॥ नरसी भगत रे बेल सांवरो आया तो खरी ओ बापजी, आया तो खरी। नैनी बाई रे मायरा में पोटली धरी, ओ जी ॥5॥