Nandiya Ro Neer

नंदिया रो नीर, साँवरा रोक ने बतावा, म्हारे नैंणा मायलो नीर रूकेला नाहीं रे। म्हारा बिछड़ियोड़ा, रामजी मिलेला कही रे ॥ टेक ॥ हाथसु लिखियोड़ा कागज़ बाँच ने बतावा, कर्म री रेखा बांची जावे नाहीं रे। म्हारा बिछड़ियोड़ा, रामजी मिलेला कही रे ॥1॥ बेटा तो जुग में घणोरा देखिया, लाला श्रवण री होड़ करेला नाहीं रे। म्हारा बिछड़ियोड़ा, रामजी मिलेला कही रे ॥2॥ भाई तो जुग में, साँवरा, घणा ही हुआ, भाई भरत री होड़ करेला नाहीं रे। म्हारा बिछड़ियोड़ा, रामजी मिलेला कही रे ॥3॥ धर्म री बैन ने तू बना के बतावा, जामन जाई री होड़ करेला नाहीं रे। म्हारा बिछड़ियोड़ा, रामजी मिलेला कही रे ॥4॥