Leelo Leelo Ghodlo

लीलो लीलो घोड़लो ने, भालो लीनो हाथ। सेठाणी री बेल चढ़िया, रूणीचा रा नाथ॥ दोहा म्हारो हेलो साम्भळो, रूणीचे रा नाथ॥ टेक॥ ऊबो रे तूं चोरटा, कठीने तू जाय। बाणिया रो माल तू, कितरा दिन खाय॥1॥ फोड़ दीवी अँखियाँ ने, काढ़ दीनो कोढ़। दुनियाँ तो देखण ने बाबा, जीवतो तू छोड़॥2॥ उठे नी तूं सेठाणी, धड़ सूं माथो जोड़। बाणियो उठेला झट, आळस मरोड़॥3॥ गावे दल्लो वाणियो रे, भली राखी टेक। गाँव रूणीचा में, ले लीनो भेख॥4॥