Baar Baar Kai Aavo Mhara Shivji

बार बार काई आवो म्हारा शिवजी, नहीं परणाऊ म्हारी पार्वती ॥ टेक ॥ म्हारा शिवजी तो साठ बरस रा, सोलह बरस री म्हारी पार्वती। बार बार काई आवो म्हारा शिवजी, नहीं परणाऊ म्हारी पार्वती ॥1॥ थारी तो जटा में शिवजी नाग कालियो, डस जावेला म्हारी पार्वती। थारे तो गळा में शिवजी नाग कालियो, डस जावेला म्हारी पार्वती। बार बार काई आवो म्हारा शिवजी, नहीं परणाऊ म्हारी पार्वती ॥2॥ थारे तो हाथां में शिवजी भांग रो प्यालो, घोट न पावे म्हारी पार्वती। थारे तो हाथां में शिवजी भांग रो प्यालो, घोट न पावे म्हारी पार्वती। बार बार काई आवो म्हारा शिवजी, नहीं परणाऊ म्हारी पार्वती ॥3॥ थारे तो रेंवा ने शिवजी ऊजड़ खेड़ो, म्हेलां में रेवे म्हारी पार्वती। थारे तो रेंवा ने शिवजी ऊजड़ खेड़ो, म्हेलां में रेवे म्हारी पार्वती। बार बार काई आवो म्हारा शिवजी, नहीं परणाऊ म्हारी पार्वती ॥4॥