Aaj Mhare Bhole Babe Bhog

आज म्हारे भोले बाबे भोग घणी पीदी ओ । भोग रे नशा में बाबो परणवा ने आयो ओ ॥ टेक ॥ जोनिया नी लायो बाबो, जोनिपयों नी लायो ओ । भूत ने डाकणियों ले ने, परणवा ने आयो ओ ॥1॥ मखौणा नी लायो बाबो, पतासा नी लायो ओ । भांग वाळा भजिया ले ने, परणवा ने आयो ओ ॥2॥ वरियां नी लायो बाबो, पडला नी लायो ओ । बिच्छू वाळो बागो ले ने, परणवा ने आयो ओ ॥3॥ रथड़वा नी लायो बाबो, घोड़ला नी लायो ओ । नंदी री सवारी बाबो, परणवा ने आयो ओ ॥4॥ शिव रे चरणों में माता, गवरा यूं बोले ओ । जुग-जुग चरणों में राखो, महादेवा ओ ॥5॥