Ae Dholi Dholi Dhwaja Udi Chhe

ए धोली धोली ध्वजा उड़ी छ, रूणीजा वाला। धोली रे थारा नाम ले, भगत पैदल चालिया रूणीजा वाला। सावण सावण भादवो बरसे, रूणीजा वाला। सावण थारे आवे भगत घणा, नाचता मारा बाबा रे ॥ टेक ॥ आकड़ रे काकड़ में भंडारा लागे, रूणीजा वाला। आकड़ रे काकड़ में भंडारा लागे, रूणीजा वाला। भादवा में मेला भारी लागे, रूणीजा वाला। भादवा-भादवा में थारे बाजे, नौबत मीठी राग में, मारा बाबा रे ॥1॥ गांवां रे गांवां में पर्चियां दीदा, रूणीजा वाला। गांवां रे गांवां में पूजवावे, रूणीजा वाला। दूरा रे देसा सूं भगत आवे, रूणीजा वाला। दूरा रे देसा सूं भगत घणेरा, लूल-लूल नाचे, मीठी राग में, मारा बाबा रे ॥2॥ मैणादे रो लाडलो पूजवायो, रूणीजा माई। मैणादे रो लाडलो, लीला री सवारी प्यारी लागे, रूणीजा वाला। थारा धाम पे भगतां री टोलियां आवे, रूणीजा वाला। भगतां ने बुलायो बेगो आज, मारा बाबा लाडला, मारा बाबा रे ॥3॥ दिनेश नायक थाने ध्यावे, रूणीजा वाला। दिनेश नायक थाने ध्यावे, रूणीजा वाला। मेवाड़ी को म्यूजिक प्यारो बाजे, रूणीजा वाला। दिनेश नायक थाने ध्यावे, शरणे आया, लाज रखजो, राखो ने बाबा लाडला, मारा बाबा रे ॥4॥