Aaja More Kanth Sharada

आजा मोरे कंठ शारदा, बैठ जा भवानी ये, बैठ जा भवानी दुर्गा, बैठ जा भवानी ये ॥ टेक ॥ कुण देवता करी थरपना, कुण देवता मानी ये, कुण देव थारे तपे रसोडे, कुण भरे जल पाणी ये, आजा मोरे कंठ शारदा, बैठ जा भवानी ये ॥1॥ पाच पांडवा करी थरपना, कृष्ण देवता मानी ये, चांद सूरज तपे रसोडे, इन्द्र भरे जल पाणी ये, आजा मोरे कंठ शारदा, बैठ जा भवानी ये ॥2॥ ऊँचे डूंगर आप बिराजे, लाल ध्वजा फहराणी ये, जती सती मिल रक्षा किज्ये, अम्बा खपर वाली ये, आजा मोरे कंठ शारदा, बैठ जा भवानी ये ॥3॥ सिंह चढ़े मा रण मे आजे, हनुमान अगवाणी ये, धन्ना जाट थारी महिमा गावे, देवा मे अगवाणी ये, आजा मोरे कंठ शारदा, बैठ जा भवानी ये ॥4॥