O Santon Swarga Su Aayo Re Sandesh

यो मेळो संसार को, अठे आवन जावण री रीत। ऐसी करणी कर चलो, थारा दुनियां गावे गीत ॥ दोहा ओ सन्तों स्वर्गा सूं आयो रे संदेश, बुलावो आयो राम रो ॥ टेक ॥ एक मिनट प्रभु म्हाने द्यो, करां बेटा से बात। डिबले माँहि गेहणा राखां, आपस में लेवो जी थे बाँट, बुलावो आयो राम रो। ओ सन्तों स्वर्गा सूं आयो रे संदेश, बुलावो आयो राम रो ॥1॥ एक मिनट प्रभु म्हाने द्यो, करां बहुआं से बात। म्हें तो घर ने बांध के राख्यौ, थे अब संभाळो परिवार, बुलावो आयो राम रो। ओ सन्तों स्वर्गा सूं आयो रे संदेश, बुलावो आयो राम रो ॥2॥ एक मिनट प्रभु म्हाने द्यो, करां बेटी से बात। मायरे की मन में रहगी, बीरा भरेगा थारा भात, बुलावो आयो राम रो। ओ सन्तों स्वर्गा सूं आयो रे संदेश, बुलावो आयो राम रो ॥3॥ एक मिनट प्रभु म्हाने द्यो, करां पोता से बात। दादीजी तो सुरगां चाली, कुण करेगो थारे लाड, बुलावो आयो राम रो। ओ सन्तों स्वर्गा सूं आयो रे संदेश, बुलावो आयो राम रो ॥4॥ एक मिनट प्रभु म्हाने द्यो, करां पति से बात। रोळी मोळी चावल लेकर, मोत्यां से भर द्यो मांग, बुलावो आयो राम रो। ओ सन्तों स्वर्गा सूं आयो रे संदेश, बुलावो आयो राम रो ॥5॥