Meethe Ras Se Bhariyo Ri

मीठे रस से भरियो री, राधा रानी लागे, महारानी लागे, मने कारो कारो, जमुना जी रो पानी लागे ॥ टेक ॥ यमुना मैया कारी कारी, राधा गोरी गोरी, वृन्दावन में धूम मचावे, बरसाने की छोरी, ब्रजधाम राधा जु की, राजधानी लागे, महारानी लागे, मने कारो कारो, जमुना जी रो पानी लागे ॥1॥ ना भावे अब माखन मिसरी, और ना कोई मिठाई, जीबड़या ने भावे अब तो, राधा नाम मलाई, वृषभानु की लली तो, गुड़धानी लागे, गुड़धानी लागे, मने कारो कारो, जमुना जी रो पानी लागे ॥2॥ कान्हा नित मुरली में टेरे, सुमरे बारम्बार, कोटिन रूप धरे मनमोहन, कोई ना पावे पार, राधा रूप की अनोखी, पटरानी लागे, महारानी लागे, मने कारो कारो, जमुना जी रो पानी लागे ॥3॥ राधा राधा नाम रटत है, जो नर आठों याम, उनकी बाधा दूर करत है, राधा राधा नाम, राधा नाम में सफल, जिंदगानी लागे, जिंदगानी लागे, मने कारो कारो, जमुना जी रो पानी लागे ॥4॥