Mat Kar Re Sanwara Hero

मत कर रे सांवरा हेरो, म्हारे थारी बराबर डेरो। वळता आईजो पांवणा, मारग में झुपड़ो मारो जी ॥ टेक ॥ महल मालियां थारे, आ भागी झुपड़ो म्हारे। वळता आईजो पांवणा, मारग में झुपड़ो मारो जी ॥1॥ हिंगलु ढोलियो थारे, आ भागोड़ी माचली म्हारे। वळता आईजो पांवणा, मारग में झुपड़ो मारो जी ॥2॥ सिरक पत्थरना थारे, आ फाटोड़ी गुदड़ी म्हारे। वळता आईजो पांवणा, मारग में झुपड़ो मारो जी ॥3॥ ए ऊना भोजन थारे, ए सूखा होगरा म्हारे। वळता आईजो पांवणा, मारग में झुपड़ो मारो जी ॥4॥ गेहू गेगरा थारे, आ मोठ बाजरी म्हारे। वळता आईजो पांवणा, मारग में झुपड़ो मारो जी ॥5॥ हस्ती घोड़ा थारे, ओ भूरियो पाड़ो म्हारे। वळता आईजो पांवणा, मारग में झुपड़ो मारो जी ॥6॥ बाग बगीचा थारे, ए खेत में खेजड़ा म्हारे। वळता आईजो पांवणा, मारग में झुपड़ो मारो जी ॥7॥ राधा रुकमण थारे, आ जबर जाटणी म्हारे। वळता आईजो पांवणा, मारग में झुपड़ो मारो जी ॥8॥ कंवर कन्हैयो थारे, ओ भूरियो लड़को म्हारे। वळता आईजो पांवणा, मारग में झुपड़ो मारो जी ॥9॥ जाट रूपजी गावे, धणियो रा लाड लड़ावे। वळता आईजो पांवणा, मारग में झुपड़ो मारो जी ॥10॥