Le Ghadlo Le Balti

ले घड़लो ले बाल्टी गुजरी तो पाणी ने चाली रे घड़ला ने मैली घाट पर कृष्ण स तो बाता लागी रे ॥ टेक ॥ छाछ राबड़ी खावे तो कान्हा म्हारे घराने आजओ रे नाम न जाणू थारो गांव न जाणू गुजरी कस्या घरा म आऊं रे ॥1॥ हरि हरि मेडी लाल किवाड़ी म्हारी भैंस बंधी बाड़ा म रे पूछत पूछत कृष्ण आयो गुजरी की तो छाछ बिलोवे रे ॥2॥ भरयो कटोरी दूध को कान्हो आंगणा में रोल मचा दियो रे पोल्या बेठी सासुजी कृष्ण को तो कान पकड़ली रे ॥3॥ थे मत बोलो सासुजी नूतेडो तो कृष्ण आयो रे बनवारी शर्मा बिर्दीचन्द कृष्ण क तो लाड़ लडावे रे ॥4॥