Chet Man Bavariya Satguru Charana Mein Chal

चेत मन बावरिया सतगुरु चरणा में चाल ॥ टेक ॥ गुरू बिन ज्ञान कदे नही आवे तीन लोक चाहे जा फिर आवे थारा कोई नही पूछ लो हाल, चेत मन बावरिया सतगुरु चरणा में चाल ॥1॥ सतगुरू मिल्या शुद्ध बुद्ध पावे जन्म मरण थारा मिट जावे कांडे रह्यो र अवसर टाल, चेत मन बावरिया सतगुरु चरणा में चाल ॥2॥ लख चौरासी की गंदी हैं नाली किस किस विध हो जावे टाली सारा झूठा है मोहजाल, चेत मन बावरिया सतगुरु चरणा में चाल ॥3॥ कहे रणजीत चेत कर बंदा क्यू र हुया तू हिया का अंधा नीत फेर गुरुजी की माल, चेत मन बावरिया सतगुरु चरणा में चाल ॥4॥