Are Ram Ram Re Bhaya

अरे राम राम रे भाया राम राम रे, हे म्हारी बोली चाली रा गुणा माफ, भायो ने म्हारा राम राम रे ॥ टेक ॥ हे कटे बेवाडू डोडा ऐल जी रे, भाया राम-राम रे, हे ओ तो कठोडे बेवाडू नागर वेल, भायो ने म्हारा राम राम रे ॥1॥ हे कागज वे तो मैं वास्लू रे, भाया राम-राम रे, हे ओ तो कर्म मा सु वावियों नी जाये, भायो ने म्हारा राम राम रे ॥2॥ हे कुओं वे तो मैं डाकलू रे, भाया राम-राम रे, हे ओ तो समन्दर मा सु डावियों नी जाये, भायो ने म्हारा राम राम रे ॥3॥ हे धागों वे तो मैं तोड़ दू रे, भाया राम-राम रे, हे ओ तो प्रेम मासु तोड़ियों नी जाय, भायो ने म्हारा राम राम रे ॥4॥ हे टाबर वे तो मैं राखलू रे, भाया राम-राम रे, हे ओ तो रावण मासु राखियों नी जाय, भायो ने म्हारा राम राम रे ॥5॥ आया जको ने राम राम, गिया जको ने राम राम, अरे सब भक्तो ने राम राम ॥6॥