Chausath Jogani O Devi Re

सिंह चढ़े देवी मिले, नै गरुड़ चढ़े भगवान। बैल चढ़े शिवजी मिले, म्हारा पूरण हो सब काम ॥ दोहा देवलिये राम जाय भवानी, देवलिये राम जाय भवानी मंदिरिये राम जाय। चौसठ जोगणी ओ, देवी रे देवलिये राम जाय। घूमर घालणी ओ, देवी रे देवलिये राम जाय ॥ टेक ॥ हंस सवारी कर जगदम्बा, ब्रह्मा रो रूप बणायो। ब्रह्मा रो रूप बणायो भवानी, ब्रह्मा रो रूप बणायो। चार वेद मुख चार कहिजे, चारां रो जश गायो। चौसठ जोगणी ओ, देवी रे देवलिये राम जाय। घूमर घालणी ओ, देवी रे देवलिये राम जाय ॥1॥ गड़ सवारी कर जगदम्बा, विष्णु रो रूप बणायो। विष्णु रो रूप बणायो भवानी, विष्णु रो रूप बणायो। गदा पदम शंख चक्र बिराजे, मधुवन बीन बजायो। चौसठ जोगणी ओ, देवी रे देवलिये राम जाय। घूमर घालणी ओ, देवी रे देवलिये राम जाय ॥2॥ बैल सवारी कर जगदम्बा, शिवजी रो रूप बणायो। शिवजी रो रूप बणायो भवानी, शिवजी रो रूप बणायो। जटा मुकुट में गंगा बिराजे, शेष नाग लिपटायो। चौसठ जोगणी ओ, देवी रे देवलिये राम जाय। घूमर घालणी ओ, देवी रे देवलिये राम जाय ॥3॥ सिंह सवारी कर जगदम्बा, शक्ति रो रूप बणायो। शक्ति रो रूप बणायो भवानी, शक्ति रो रूप बणायो। सियाराम तेरी करे स्तुति, भक्त मण्डल जस गायो। चौसठ जोगणी ओ, देवी रे देवलिये राम जाय। घूमर घालणी ओ, देवी रे देवलिये राम जाय ॥4॥