Bol Sukha Ram Ram

बोल सुखा राम राम, मीठी मीठी वाणी रे। बोल सुखा राम राम, मीठी मीठी वाणी रे ॥ टेक ॥ सोने केरो तार सुखा, पिंजरो बनाऊं रे। पिंजरे में मोतीड़ा री, झालरी लगाऊं रे। बोल सुखा राम राम, मीठी मीठी वाणी रे। बोल सुखा राम राम, मीठी मीठी वाणी रे ॥1॥ चिरत मिटाई मेवा, लापसी जीमाऊं रे। आंवळे रो रस सुखा, घोल घोल पाऊं रे। बोल सुखा राम राम, मीठी मीठी वाणी रे। बोल सुखा राम राम, मीठी मीठी वाणी रे ॥2॥ चम्पा केरी डाळ सुखा, हिण्डोलो घलाऊं रे। हिण्डोला में बैठा के, हाथ से झुलाऊं रे। बोल सुखा राम राम, मीठी मीठी वाणी रे। बोल सुखा राम राम, मीठी मीठी वाणी रे ॥3॥ पगल्यां रे माही सुखा, पैजनियां पेरावूं रे। मीरा प्रभु गिरधर शरणे, आयां सुख पावे रे। बोल सुखा राम राम, मीठी मीठी वाणी रे। बोल सुखा राम राम, मीठी मीठी वाणी रे ॥4॥