Bhakti Ro Daan Data Devjo

अरे भक्ति रो दान दाता देवजो गुरु मारा देवो रा देव, जन्म जात बिसरू नहीं करू चरणों री सेवा, भक्ति रो दान दाता देवजो हा ॥ टेक ॥ अरे स्वर्गों छू शुद्ध थारो नाम है कृपा मा पर कीजो, स्वर्गों छू शुद्ध थारो नाम है कृपा मा पर कीजो, भव सागर छू तारजो अपनो कर लीजो, भक्ति रो दान दाता देवजो हा ॥1॥ अरे राज पाठ सुख सायबी फजे नाजुक सुख नारी, राज पाठ सुख सायबी फजे नाजुक सुख नारी, इतेरो सुख मांगू नहीं गुरु माने आण तुम्हारी, भक्ति रो दान दाता देवजो हा ॥2॥ अरे कर्म मा तो करे सुख है थेतो वैकुण्ठा रा वासी, कर्म मा तो करे सुख है थेतो वैकुण्ठा रा वासी, इतेरा सुख मांगू नहीं जब तक पिंजर सांसा, भक्ति रो दान दाता देवजो हा ॥3॥ अरे मर जाऊ मांगू नहीं धन अपने काजा, मर जाऊ मांगू नहीं धन अपने काजा, परमार्थ रे कारणे मांगत आवे नहीं लज्जा, भक्ति रो दान दाता देवजो हा ॥4॥