Bhai Bhai Re Bhaumiya Banka

भाई भाई र भौमिया बांका रख जे रखवाला ध्यान सदा खेड़ा का दंगल म आजा र, घोड़ा ला बाबा भौमिया र ॥ टेक ॥ ले आव सरस्वती कण्ठ बैठ जिव्ह्या क माले भौमिया मनाऊं मने ई बिन कोण संभाले यो बेटो राजपूत को जी, हुंकार मार रयो हांका ॥1॥ थारा डर स डरप सगला डाकन डाकि तू झगड़ पड़ बाकि राख खाक कर राखी जिंद भूत सब कांपता जी, मार्ग का रोक दिया नाका ॥2॥ थारे कामण कलश मनावे मन्दिर की डोडी कारज कर रयो बैठयो ढाल र गोड़ी कर जोड़ खड़ा सब जातरी जी, गुणगान गा रया थाका ॥3॥ हुक्का क माई भरयो लॉन्ग को जोड़ो मखमल की गद्दी बैठ खड़ो यो घोड़ों दे मुच्छ्या क ताव युद्ध म डाक जा र, रण माई छोड़ धमाका ॥4॥ ले बावन भैरू चौसठ जोगन संग म छप्पन कलवा ले आप कूदगो रण म सब दुश्मन डर डर भागता जी, बाना की लाज बचा जा ॥5॥ तू सांचों छ तो मत ना सरके पाच्छो भगवान सहाय का काम म मत दे लाच्छो सवाल मूच्छ को राख ज्यों जी, मन्दिर बणवावा थाका ॥6॥