Bega Bega Aajo Ji Bheruji

बेगा बेगा आजो जी भेरूजी मारे पावणा, थाकी घणी वो करा मनवार, भेरूजी बेगा आज्यो जी ॥ टेक ॥ बावन भेरूजी वो थे संग माही लाव जो, लाओ चौंसठ जोगन लार, भेरूजी बेगा आज्यो जी ॥1॥ चौक पुराऊं वो भेरूजी मारे आंगने, ओ मेतो उजली रांदूं खीर, भेरूजी बेगा आज्यो जी ॥2॥ जागण में पधारो वो भेरूजी मारे पावणा, आओ जागण वाली रात, भेरूजी बेगा आज्यो जी ॥3॥ स्वान सवारी वो भेरूजी थाने सोवनी, थारे बावन भैरू लार, भेरूजी बेगा आज्यो जी ॥4॥ काला गोरा आओ नि कंकाली रा लाइला, थेतो आय बिराजो पाठ, भेरूजी बेगा आज्यो जी ॥5॥ भगवत गावे वो भेरूजी भजना माईने, आओ जागण वाली रात, भेरूजी बेगा आज्यो जी ॥6॥