Thane Simvara Pawan Kumar

ओ हनुमान विराजियो, कथा कहूँ चित लाय। तुम पायक श्री राम के, हम चरणों के दास।। दोहा लाल लंगोटो, हाथ में घोटो, थांने सिंंवरा पवन कुमार, बजरंग बालाजी। म्हारा विंघन हरो नी महाराज, बजरंग बालाजी।। ॥ टेक ॥ माता अंजनी रा पुत्र कहिजो, बाला। थे तो राम जी रा कहिजो दास, बजरंग बालाजी।। ॥1॥ लंका जारि सिया सुधि लाये, बाला। थे तो राम जी रा सार्या काज, बजरंग बालाजी।। ॥2॥ तेल सिन्दूर थारे अंग चढ़े ओ, बाला। बाबा मंगळ ने शनिवार, बजरंग बालाजी।। ॥3॥ सालासर में थांरो धाम कहिजे, बाला। थारी धजा फरूखे असमान, बजरंग बालाजी।। ॥4॥ चैनसिंह चरणों रो चाकर, बाला। म्हाने देवो भगती रो वरदान, बजरंग बालाजी।। ॥5॥