Marwad Ro Peer Baniyo

मारवाड़ रो पीर बाणीयो, जाय रे समंद री तीर रे। सामे मिलिया धणी रामदेव, लुल लुल लागे पाव रे। मारवाड़ रो पीर बाणीयो, जाय रे समंद री तीर रे ॥ टेक ॥ अरे लुल लुल लागे पाव बाणीयो, लुल लुल लागे पाव रे। अबके बाणीया भीड़ पड़े जद, करजे मने याद रे। मारवाड़ रो पीर बाणीयो, जाय रे समंद री तीर रे ॥1॥ उत्तर खंड़ा रो पवन वासनो, डूबन लागी जहाज रे। देवी देवता घणा सिवरिया, कोई नहीं आया वेल रे। मारवाड़ रो पीर बाणीयो, जाय रे समंद री तीर रे ॥2॥ छोटा रामदेव, बड़ा बिरमदेव, चौपड़ खेले डाव रे। चौपड़ खेले डाव बाणीया, चौपड़ खेले डाव रे। मारवाड़ रो पीर बाणीयो, जाय रे समंद री तीर रे ॥3॥ अरे धोली ध्वजा लहराय बाणिया, धोली ध्वजा लहराय रे। सवा लाख रो हिणड़ो चढ़ाऊँ, धोली ध्वजा लहराय रे। मारवाड़ रो पीर बाणीयो, जाय रे समंद री तीर रे ॥4॥ चौपड़ रमता भुजा पसारी, तिरवा लागी नाव रे। धणी रो दरसण पावा, गढ़ रुणिजा माय रे। मारवाड़ रो पीर बाणीयो, जाय रे समंद री तीर रे ॥5॥