Marag Mein Ramdev Mil Gaya

मारग में रामदेव मिल गया, गेळा में रामदेव पीर जी मिल गया, ओ मारी काया ने कंचन कर गया, ओ बाबा रामदेव, म्हारो जीवन सफल बना गया, ओ बाबा रामदेव ॥ टेक ॥ पहलो पहलो परचो, पिता अजमल जी ने दीनो, कंकु रा पगल्या मंड़ाया, ओ बाबा रामदेव ॥1॥ दूजो दूजो परचो, माता मेणादे ने दीनो, ऊफणता दूध थमाया, ओ बाबा रामदेव ॥2॥ तीजो तीजो परचो, बाबा दरजीड़ा ने दीनो, कपड़ा रो घोड़ा उड़ायो, ओ बाबा रामदेव ॥3॥ चोथो चोथो परचो, बाबा बणजारा ने दीनो, मीश्री को लूण बणायो, ओ बाबा रामदेव ॥4॥ पाचवतो परचो बाबा, पीरां ने दीनो, मक्का सु कटोरा लाया, ओ बाबा रामदेव ॥5॥ हरी रा चरणा में भाटी, हरजी यूं बोलिया, माने जुग-जुग चरणा में राखो, ओ बाबा रामदेव ॥6॥