Beera Ramdev Ho Beera Mhane

बीरा रामदेव हो बीरा म्हाने, एक बार लेवण आए, अरे अलगो घणो सासरो रे, बीरा म्हाने माता मिलण रो छावनी, बीरा म्हारा रामदेव रे, जामण जाया एक बार लेवण आए ॥ टेक ॥ अलगो घणी परणाई रे बीरा म्हारी, लीनी नहीं सार संवार, अरे आछो लगन लिखायो जोशी ने, क्यूं नहीं खाओ कालो नाग, बीरा रामदेव हों बीरा म्हाने, एक बार लेवण आए ॥1॥ अरे बेठी ने दोंनं झुरे रे म्हारा, बुढा मायर बाप, अरे जीव अमुझे उंडी डोरिया में म्हारे, पड़े काल पर काल, बीरा रामदेव हों बीरा म्हाने, एक बार लेवण आए ॥2॥ अरे सासु जितरे सासरो रे भीरा, मायड जितरे पीर, अरे जद भोजाया घर आवसी ओ, थारो बस कोनी चाले म्हारा भीर, बीरा रामदेव हों बीरा म्हाने, एक बार लेवण आए ॥3॥ अरे एकरतो दिखा दे रे बीरा म्हाने, रुणीचा रा रुंख, अरे कुण जाणे कद होवसी रे, बीरा गांव रुणीचा माही धुप, बीरा रामदेव हों बीरा म्हाने, एक बार लेवण आए ॥4॥ अरे भीर हुकम रतना ने दिन्हो, बाई सुगना ने लाए, ओल्यू सुगना बेन री ओ, कोई कत्थ गावे पन्ना लाल, बीरा रामदेव हों बीरा म्हाने, एक बार लेवण आए ॥5॥