Sahiyan Mhari Gaao Ae Bajao Gad Ki Gujariya

सहिया म्हारी गाओ ऐ बजाओ गढ़ की गुजरिया म्हारा नारायण का गाओ मंगल चार,,, म्हारे देव पधारिया पावणा ॥ ॥ टेक ॥ थाने धन्य धन्य म्हारी मालसैरी डुंगरियाँ। बठे जनमिया जनमिया मिलोकी का नाथ ॥ नारायण आया पावणा.......॥1॥ सैया मारी कंकर फुटिया कवल निकल्य। ये तो कवल में खिल्यो अवतार ॥ नारायण आया पावणा....... ॥2॥ देवजी जन्मे बाज्या चंग ढोलड़ा। या तो महला में बाजी सोबन ताल ॥ नारायण आया पावणा....... ॥3॥ हीरा म्हारी पीली गोबर की देदे गुंदली। हीरा म्हारी मोतियां का चौक पुराया नारायण ॥ नारायण आया पावणा....... ॥4॥ हीरा म्हारी जाओ जोशी ने बेगो बुलावच्छो। म्हारा नारायण को निकल लेतो नाम ॥ नारायण आया पावणा....... ॥5॥ जोशी जुना पुराना कांडे टिपणा। म्हारा उदल को कढ़वा लेतो नाम ॥ नारायण आया पावणा....... ॥6॥ नारायण पीरू भोपा की सुनजो बिनती। देव जी गावै गावै थांका गुण गान। भक्ता ने लीज्यो राख ज्यूँ ॥ नारायण आया पावणा....... ॥7॥ देव जी चम्मा लाल शरण में आवयो। देव जी जत देवे चरणां माथे धोक। बांकी मैया पार लगावच्चो ॥ सहिया म्हारी गाओ ए बजाओ गढ़ की गुजरिया....... ॥8॥