Rane Var Ra Kai Parniyu (Meera Bai Bhajan)
राणे वर रा काईं परणीयूँ (मीराबाई भजन)
Text size:
राणे वर रा काईं परणीयूँ, जलम जलम मर जाय।
वर परणीयूँ साँवरो, म्हारो अमर चूड़ो होई जाय॥
कोड करे म्हारी माय, मीरा ने साँवरियो परणाय।
हरख करे म्हारी माय, मीरा ने गिरधारी परणाय॥
कड़ी - 1
राणे प्याला भेजिया रे, द्यो मीरा रे हाथ।
राणे प्याला भेजिया रे, द्यो मीरा रे हाथ।
अमृत कर मीरा आरोगिया, म्हाने साँवरियो परणाय॥
(टेर: कोड करे म्हारी माय...)
कड़ी - 2
राणे पिटारो भेजियो रे, दीजो मीरा रे हाथ।
खोल्याँ जद नागिन हारी हुई, म्हाने साँवरियो परणाय॥
राणे बासक छेड़िया देया मीरा रे हाथ,
हार करे मीरा हिलोरियो, सांवरियो परणाय॥
(टेर: कोड करे म्हारी माय...)
कड़ी - 3
सूली ऊपर सेज हमारी, किस बिध सोवण होय।
गगन मंडल पर सेज पिया की, किस बिध मिलणो होय॥
(टेर: कोड करे म्हारी माय...)
कड़ी - 4
मीरा के प्रभु गिरधर नागर, हरख-हरख जस गाय।
चरण कमल में चित्त राखियो, म्हाने साँवरियो परणाय॥
(टेर: कोड करे म्हारी माय...)