Salasar Ra Mandir Mein

दोहरा: हनुमत तेरी धाक से, और धुजे लंका कोट। तुम पायक श्रीराम के, थारे पैहरण लाल लंगोट ॥ स्थाई: हनुमान, विराजे ओ सदा बजरंग विराजे ओ। झालर शंख नगारा बाजे रे, बाजे रे। सालासर रा मन्दिर में हनुमान विराजे रे ॥ भारत राजस्थान में जी, सालासर एक गाँव। सुरज साम्हौ बण्यो देवरो, बालाजी रो धाम। ज्यों पर लाल धजा फहरावे रे। सालासर रा मन्दिर में हनुमान विराजे रे ॥ नारैळों री गिणती कोनी, सुवर्ण छत्र अपार। दूर-दूर सूं आवे जातक, दर्शन ने नर नार। बाबो अटक्या कारज सारे ओ। सालासर रा मन्दिर में हनुमान विराजे रे ॥ चैत सूदी पूनम को मेलो, भीड़ लगे अति भारी। नर नारी तेरा दर्शन करवा, आवे बारी बारी। थारे जात झड़ुला चढ़ावे ओ। सालासर रा मन्दिर में हनुमान विराजे रे ॥ रामदूत अंजनी के लाल का, धरो हमेशा ध्यान। चैनसिंह चरणों रो चाकर, लाज राखे हनुमान। बाबो बेड़ा पार लगावे ओ। सालासर रा मन्दिर में हनुमान विराजे रे ॥